SALAMA'KI' MALLEPPE' IDUL FITRI

Aserani essona labe'na uleng Ramalang, uleng maraja-e, uleng mappuasa umma' Sellengnge. Makkokkoe mattama uleng alleppereng, uleng sukkurukeng ta pura mappuasa. Perellu yingngerrang makkada iye ulengnge uleng namase-i Puangnge risunnakengngi' mappuasa sunna' 6 esso, nasaba' rilaleng haddese'-e makkada narekko niga-niga tau mappuasa siuleng ramalang nappa mappuasa 6 essona ri uleng Syawal, mappada ko mappuasa-i sitaung.'

Burasa' pulu sibawa burasa' owa riwenni allepereng.

Iye ulengnge, umma' Sellengnge ri 'harus'kangngi massiara ri bolana silussurengnge, sijing mareppe'-e sibawa sijing mabela-e, namammuare' pede' macawe'-i assumpuloloangnge. Naiya kiya, riwettu laota massiara, pada akritutuki' nasaba' maega ladde' lasa umpamana H1N1. Ri Malaysia maiye engkana 77 tau mate nassabari lasa H1N1. Jaji uparingngerrangiki' bare' pada ta jagai aleta, jagaiwi apaccingeta, sibawa aja' na tollao okko onrowang maega tau. Narekko perellu tollao, akkaritutuki'. Narekko engka masemmeng, laoki siruntu' dottoro'-e.

Riwettu alleppereng, umma' Sellengnge pada mappanguju lao masigi'-e massumpajang sunna' idul fitri. Aga sitloongenna maelo ubicara okko-e, riwettu okko masigi'-e, maega tau lao masigi'-e maelo'mi jakka maccurita, lao purusi alena tettong, roko' sibawa suju' na de' gaga napoleang. Magai teng umakkada, nasaba takabbere'-i tauwe, alena maccuritami, maenre' Pu Imang mabbaca katobba, na sambungsi curitanna, de'pa na paja Pu Imang mabbaca katobba, pada merrunni massu, naulle kapang matau-i masalai burasa', masyaAllah. Padahal pura iparingerrangi makkada de'na sah sumpajang idul fitrinna tau maccurita-e riwettu ribacana katobba-e.

Klik kalau nak duit Raya..

Mudah-mudahan pada ri alekki' paringengngerrang paemengnge, namammuare ajana engka tau lao massumpajang Juma' yare'gi malleppe' lao maccurita ri masigi'-e, terutama riwettunna ribaca katobba-e.

_____________________________________________

KAMUS BUGIS
Sukkurukeng- Kesyukuran, haddese'- Hadis, sijing- keluarga (sanak saudara), apaccingeng- kebersihan, mappanguju- menuju/bersiapsedia/berangkat, tettong- berdiri, roko'- rukuk, napoleang- diperolehinya, takabbere'- takbir, katobba- khutbah, merrunni- berderu/menderu/berpusu-pusu, massu- keluar.