Massi nyawaku na ma mele' tokka' mitai siddi tau, wettukku lao okko hospital Tawau. Tannia aganna, massi nyawaku mitai nasaba' calelena mi bawai ana'na malasae lao hospitala' e. Engka topa kasi' dua ana'na nasalai okko bolana cadiddi (de' gaga tau battoa na sibawang). Jaji purasi tama okko kamara' na dottoro'e, massu si lao okko saliweng mattalipong okko talipong awam e.
Na aga tosi pamamelekiya', yako maelo'i mattalipong, nasappa'i nomoro' talipongnge okko HPna, HP masoli' (mahal dan canggih, nasengnge Malayu e). Kegani be' limanna maka raja toli maelo' buang, nappa tosi na sappa' nomoro' talipongnge. We....sussapa wita. Bekka tellu kapang mallao-lisu, tama-massu lao mattalipong. Na talipongi bali bolana, nasurui lao mitai ana'na okko bolana. Iyaro de' na magaga, eke na cairi bali bolana nasaba' nasurui mantara'i lao hospitala'e, na matane' lao bali bolana nasaba' engka to ana'na maelo lao massikola, de' pa na pura manre. Laleng atikku, tau pa iye we...
Riwattunna mattengang mattalipong, cappu'i doi' kette'-kette'na (doi syiling), jaji maelo i kasi' masselerengngi doi'na okko tau ega e. Muisseng siaga doi'na na passu' e? Seppulo ringgi. Laleng atikku, tau pa iye we... Mannoko'-noko' nasaba' de' gaga tau mappunnai doi' kette'-kette'. Iya' de' to gaga u parikantong wettue ro.
Sitongenna, tannia aganna ucuritai okko e. Maeloma' mapparingerrang padakku rupa tau, aja' lalo kasi' mu taroi doi'mu narekko de'gaga ise'na "karedi"na talipotta. Lebbi-lebbi pi ko tollao hospitala' e. Narekko de' to sempa' melli karedi', bawaki' doi' kette'-kette'. Aga gunana HP we ko masoli'mi, na de' gaga karedi'na. Iyako maelomi lai yonri taro nomoro' taliponna silessurengnge yare'gi balibola e, lebbi wi ko bo' baiccu yare'gi bo' tiga lima. Maringeng na manyemeng lai taro.
Tapikkiriki moi.
Na aga tosi pamamelekiya', yako maelo'i mattalipong, nasappa'i nomoro' talipongnge okko HPna, HP masoli' (mahal dan canggih, nasengnge Malayu e). Kegani be' limanna maka raja toli maelo' buang, nappa tosi na sappa' nomoro' talipongnge. We....sussapa wita. Bekka tellu kapang mallao-lisu, tama-massu lao mattalipong. Na talipongi bali bolana, nasurui lao mitai ana'na okko bolana. Iyaro de' na magaga, eke na cairi bali bolana nasaba' nasurui mantara'i lao hospitala'e, na matane' lao bali bolana nasaba' engka to ana'na maelo lao massikola, de' pa na pura manre. Laleng atikku, tau pa iye we...
Riwattunna mattengang mattalipong, cappu'i doi' kette'-kette'na (doi syiling), jaji maelo i kasi' masselerengngi doi'na okko tau ega e. Muisseng siaga doi'na na passu' e? Seppulo ringgi. Laleng atikku, tau pa iye we... Mannoko'-noko' nasaba' de' gaga tau mappunnai doi' kette'-kette'. Iya' de' to gaga u parikantong wettue ro.
Sitongenna, tannia aganna ucuritai okko e. Maeloma' mapparingerrang padakku rupa tau, aja' lalo kasi' mu taroi doi'mu narekko de'gaga ise'na "karedi"na talipotta. Lebbi-lebbi pi ko tollao hospitala' e. Narekko de' to sempa' melli karedi', bawaki' doi' kette'-kette'. Aga gunana HP we ko masoli'mi, na de' gaga karedi'na. Iyako maelomi lai yonri taro nomoro' taliponna silessurengnge yare'gi balibola e, lebbi wi ko bo' baiccu yare'gi bo' tiga lima. Maringeng na manyemeng lai taro.
Tapikkiriki moi.
Kamus Bugis
Massi nyawaku- sedih hatiku, nasappai- dicarinya, calelena- sendirinya, mallao-lisu- pergi pulang, tama-massu- keluar masuk, riwatunna- semasa, kette'-kette'- wang syiling, mapparingngerrang- memperingati, narekko- sekiranya, balibola- jiran, baiccu- kecil, bo' baiccu- buku kecil, maringeng- ringan, manyameng- senang/nyaman, lai taro- disimpan.
Tiada ulasan:
Catat Ulasan