Tanggala arua labe'e, pada purani' mattoddo' i pilei calotta yare'gi pati ipujie. Sukkuru Alhamdulillah, de'to na maega kejadiang de' ri elori. Okko mai Sabah umpamana, amang nasaba' pada ri poji keamanangnge. De'gaga makkaco, maddempe' oto, yare'gi makkasolang. Pada ri tajenni, kada maga parenta e makkokkowe, nasaba' engka lima wanua tannia BN mapparenta. Tenna podo naulle mui lebbi madeceng pa atuwongenna ra'ya' e. No' i ellinna minnya' e, masempo ellinna barang-barangnge ri tokowe, sibawa de' na gaga tol terutama ri Selangor.
Narekko weddimmui rilolongeng yare'gi napekengka sininna purae na janci rilalenna Manifestona, naulle weddimmoi malampe', tapi ko de' naulle i, e majjanci belle-belle mi. De' na wedding riyateppiri paemeng. Lebbiwi pamarenta yoloe, sikurang-kuranna maegani ana' ugi pura napaitang laleng mattuju mancaji tau madeceng, naongkosoki massikola lettu nacapei jassana, massu'i makkatenni jamang ri pamarenta, naleng paluang namoto de' na pada tau saesa'e, tapi engkana. Jaji, aga pada ri hara', narekko mua lima e wanua wedding lebbi makessippa parentana, terutama idi' ana' ugi e riyaleng matokki paluang okko mero.
Ri Kunak, calon PKR ana' Ugi na patettong, nasaba' nasengngi maegani pangundi Ugi. Memeng maega, tapi siddi salana, nasaba' napancaji isui Ugi e (perkauman), naseng de' nai yaleng paluang ri lalenna pamarenta PBT. Padahal engka mato. Memella de' na maega, tapi engkana. Perellu mato ri pikkiriki, makkada bansa aga maega ri Kunak? Nappani de'to gaga ana' Ugi lao millau jamangnge ro, naitami makurang ana' Ugi majjama ri pajaba' daerah, nasenni de' na ri yaleng paluang. Maseggi engka jamang lao sappa ki, sitongenna, idi' mi wedding lao sappa' i jamangnge.
Aja' to engka tau salangngi pamarentae rekko engka masaallata, nasaba' de to macciwo di paraturangnge. Umpamana, lai ruttungngi gadde ta nasaba' de gaga 'leseng', yare'gi onrowanna salai sibawa pura toni' riyatteang mabbalu' okkoro, lai suru topi' lette' na de' to lette'. Jaji lai ruttungngi, e macaiki', makkadani mappasileangengngi pamarentae. U rasai salaki'.
Siddi to parellu ipikkiriki, maeganna pangundi Ugi ri Sabah, khususna Kunak, mappunnai KPT paroje'. Ritanai matu' sure' lahirna, e de' gaga. Ko engka pale, dapatar lewa', binna laengngi asenna, pole kejjanna papparessae, nasuroki paressa DNA, magani. Naiya tonaha wita maega talliwe'liwe' batena. Jaji iyana wakkada, de'pa na rapi i wettunna. Ko takkanrapi ni ana' monri e, engkae sure' lahirna, weddissiki' mappikkiri' paemeng. Sitongenna, maka u sayanna sompu Ugi'ku, iyatona ro saba'na uwa'bui blog Sipatuo. Namammuare' pada to siparingngerrang, na to pada Sipatuo Sipatokkong.
Bua' iya', makkokkoe de' pa ulesseri BN, nasaba' wapparelluammopi maddenge ri takkena. Maega mopi madecenna naiya maja'na. Tannia doi, tannia waram parang narengnga, tapi' atuwongeng ri Malaysia usenge'. De' gaga ronta nakkabbu pamarenta, ko engka pole okko mi tau de'na pikkiriki parellunna 'keamanan' bare' weddikki' sappa dalle hallala'. Aja'ki na pada ri negara sesa'e, to de' e gaga salanna ri temba' yare'gi ri wuno. Tenna podo aja' kasi nengka taunna BN lao makkabbu ronta ri limae wanua. Taroi tauwe makkoaro, aja' naidi'. De' to matau, tapi pada ri poji wi ko amangngi. Saya Cinta Damai.
Narekko weddimmui rilolongeng yare'gi napekengka sininna purae na janci rilalenna Manifestona, naulle weddimmoi malampe', tapi ko de' naulle i, e majjanci belle-belle mi. De' na wedding riyateppiri paemeng. Lebbiwi pamarenta yoloe, sikurang-kuranna maegani ana' ugi pura napaitang laleng mattuju mancaji tau madeceng, naongkosoki massikola lettu nacapei jassana, massu'i makkatenni jamang ri pamarenta, naleng paluang namoto de' na pada tau saesa'e, tapi engkana. Jaji, aga pada ri hara', narekko mua lima e wanua wedding lebbi makessippa parentana, terutama idi' ana' ugi e riyaleng matokki paluang okko mero.
Ri Kunak, calon PKR ana' Ugi na patettong, nasaba' nasengngi maegani pangundi Ugi. Memeng maega, tapi siddi salana, nasaba' napancaji isui Ugi e (perkauman), naseng de' nai yaleng paluang ri lalenna pamarenta PBT. Padahal engka mato. Memella de' na maega, tapi engkana. Perellu mato ri pikkiriki, makkada bansa aga maega ri Kunak? Nappani de'to gaga ana' Ugi lao millau jamangnge ro, naitami makurang ana' Ugi majjama ri pajaba' daerah, nasenni de' na ri yaleng paluang. Maseggi engka jamang lao sappa ki, sitongenna, idi' mi wedding lao sappa' i jamangnge.
Aja' to engka tau salangngi pamarentae rekko engka masaallata, nasaba' de to macciwo di paraturangnge. Umpamana, lai ruttungngi gadde ta nasaba' de gaga 'leseng', yare'gi onrowanna salai sibawa pura toni' riyatteang mabbalu' okkoro, lai suru topi' lette' na de' to lette'. Jaji lai ruttungngi, e macaiki', makkadani mappasileangengngi pamarentae. U rasai salaki'.
Siddi to parellu ipikkiriki, maeganna pangundi Ugi ri Sabah, khususna Kunak, mappunnai KPT paroje'. Ritanai matu' sure' lahirna, e de' gaga. Ko engka pale, dapatar lewa', binna laengngi asenna, pole kejjanna papparessae, nasuroki paressa DNA, magani. Naiya tonaha wita maega talliwe'liwe' batena. Jaji iyana wakkada, de'pa na rapi i wettunna. Ko takkanrapi ni ana' monri e, engkae sure' lahirna, weddissiki' mappikkiri' paemeng. Sitongenna, maka u sayanna sompu Ugi'ku, iyatona ro saba'na uwa'bui blog Sipatuo. Namammuare' pada to siparingngerrang, na to pada Sipatuo Sipatokkong.
Bua' iya', makkokkoe de' pa ulesseri BN, nasaba' wapparelluammopi maddenge ri takkena. Maega mopi madecenna naiya maja'na. Tannia doi, tannia waram parang narengnga, tapi' atuwongeng ri Malaysia usenge'. De' gaga ronta nakkabbu pamarenta, ko engka pole okko mi tau de'na pikkiriki parellunna 'keamanan' bare' weddikki' sappa dalle hallala'. Aja'ki na pada ri negara sesa'e, to de' e gaga salanna ri temba' yare'gi ri wuno. Tenna podo aja' kasi nengka taunna BN lao makkabbu ronta ri limae wanua. Taroi tauwe makkoaro, aja' naidi'. De' to matau, tapi pada ri poji wi ko amangngi. Saya Cinta Damai.
Tiada ulasan:
Catat Ulasan